Tammy Abraham, leikmaður Chelsea, hefði viljað sjá Edinson Cavani semja við félagið í janúar.

Cavani var sterklega orðaður við brottför frá Paris Saint-Germain þar sem hann hefur raðað inn mörkum í mörg ár. Hann endaði á því að vera áfram hjá félaginu.

,,Leikmennirnir hafa talað um að leikmenn eins og Cavani og aðrir toppleikmenn gætu verið að koma inn,“ sagði Abraham.

,,Það hefði verið gaman að fá hann. Hann hefði verið einhver sem ég gæti lært af og stolið hugmyndum fyrir mig.“

,,Það gerðist ekki og það gefur mér auka kraft til að tryggja þessa stöðu eins vel og ég get. Að spila fyrir topplið eins og Chelsea, það fylgir því alltaf pressa.“