Nicolas Pepe, leikmaður Arsenal, viðurkennir að stuðningsmenn liðsins megi gagnrýna sig eftir erfiða byrjun hjá félaginu.

Pepe kostaði 72 milljónir punda í sumar en hefur ekki heillað alla hingað til.

,,Ég myndi segja það að byrjunin mín hafi verið svolítið neikvæð,“ sagði Pepe.

,,Miðað við mínar eigin væntingar þá bjóst ég sjálfur við meiru. Ég býst við meiru og það er undir mér komið að leggja mig fram og gera gæfumuninn í hverjum leik.“

,,Það er eðlilegt að fólk gagnrýni mig eins mikið og þau gera því ég er ekki að gera eins mikið.“

,,Ég skil þau. Það er undir mér komið að snúa þessari stöðu við.“