Spænska blaðið AS greinir frá því í dag að það hafi brotist út harkaleg rifrildi á æfingu Barcelona á dögunum.

Það hefur ekki gengið eins og í sögu hjá Barcelona á tímabilinu en liðið rak Ernesto Valverde úr starfi í janúar.

Quique Setien var ráðinn inn í hans stað og hefur byrjað ágætlega. Liðið vann Levante 2-1 í deildinni í gær.

AS segir að tveir ónefndir leikmenn hafi rifist mikið á æfingu á þriðjudag og að mórallinn í hópnum sé ekki frábær.

Leikmennirnir eru ekki nafngreindir að svo stöddu en það var stutt í slagsmál áður en rifrildið var stöðvað.

Ástæðan er ekki gefin upp en aðrir liðsfélagar þurftu að koma í veg fyrir frekari átök.