Liverpool vann öruggan sigur í ensku úrvalsdeildinni í dag er liðið mætti Southampton.
Það var ekki búist við neinu öðru en sigri Liverpool í dag og skoraði liðið fjögur mörk gegn engu.
Mohamed Salah var í stuði fyrir heimamenn og skoraði tvö mörk – Alex Oxlade-Chamberlain og Jordan Henderson komust einnig á blað.
Liverpool er nú með 22 stiga forskot á toppnum sem er það mesta í sögu ensku úrvalsdeildarinnar.
Það er nánast klárt að Liverpool vinni titilinn en Manchester City á þó einn leik til góða á morgun og getur minnkað forskotið í 19 stig.
