Danny Rose, nýr leikmaður Newcastle, hefur grínast með það að hann þurfi að reka umboðsmanninn sinn.

Rose er 29 ára gamall en hann samdi við Newcastle undir lok gluggans á láni frá Tottenham.

Það var Rose sjálfur sem sá um að koma skiptunum í gegn en hann tók eftir meiðslum Jetro Willems fyrr í mánuðinum.

,,Ég horfði á Nerwcastle gegn Chelsea og sá að Jetro meiddist. Ég tók upp símann og sagði umboðsmanninum að ég vildi fara þangað,“ sagði Rose.

,,Þetta tók viku eða tíu daga en ég komst hingað. Ég held að ég þurfi að reka hann er það ekki?“

,,Þetta var algjör tilviljun og auðvitað er það leiðinlegt að einhver hafi meiðst en ég er þakklátur fyrir það að vera hér.“