Unai Emery, fyrrum stjóri Arsenal, nefnir Nicolas Pepe sem eitt af vandamálum liðsins en hann kom til félagsins frá Lille í sumar.
Emery var rekinn frá Arsenal eftir slæmt gengi á síðasta ári en hann entist í tæplega eitt og hálft tímabil hjá félaginu.
,,Ég veit hvað átti sér stað og við gerðum góða hluti þarna. Ég tel að fyrsta árið hafi verið gott,“ sagði Emery.
,,Ferlið gekk vel. Þegar við héldum bolta þá gerðum við það vel, þegar við pressuðum þá gerðum við það.“
,,Það voru nokkur vandamál á endanum: fjórir fyrirliðar, mál Kolasinac og Özil, Pepe sem þurfti meiri tíma eftir að hafa komið frá Frakklandi. Við spiluðum ekki vel, það er á hreinu.“
