Jesse Lingard, leikmaður Manchester United, fékk að heyra það frá stjóra sínum Ole Gunnar Solskjær í gær. Lingard spilaði með United í 1-0 sigri á Manchester City í undanúrslitum deildarbikarsins. Sigurinn dugði hins vegar ekki til en City vann fyrri leikinn 3-1 og fer í úrslit gegn Aston Villa.
,,Tapaðu boltanum einu sinni í viðbót og ég kippi þér af velli,“ sagði Solskjær við Lingard ef orð hans eru túlkuð á vinalegri hátt. Lingard var svo tekinn af velli fyrir Andreas Pereira stuttu seinna.
Solskjær var beðinn um að útskýr af hverju hann öskraði á Lingard. ,,Þegar þú tapar boltanum, þá vil ég ekki að menn hætti að spila. Í næsta skipti sem við vorum í þessari stöðu, gerðu hann og Lindelöf vel.“
,,Þú gerir auðvitað mistök, ef þú ætlar að koma bara til að verjast gegn City. Þá ertu í veseni.“
Þetta má sjá hér.
„Lose the ball one more time and you’re fuc*ing off“ pic.twitter.com/xFnAT2wqRU
— Pogbaology (@Pogbaology) 29 January 2020
