Sky Sports hélt því fram í gær að Everton hefði hafnað 80 milljóna punda tilboði frá Barcelona í Richarlison.
Margir voru hissa á að Everton skildi hafna slíku tilboði enda Richarlison lítið gert til að réttlæta slíkan verðmiða.
Framherjinn frá Brasilíu hefur reynst Everton ágætlega en ekki þannig að hann sé einn dýrasti leikmaður í heimi.
Spænskir fjölmiðlar fullyrða að ekkert sé til í þessu, ekkert tilboð frá Barcelona hafi borist í Richarlison.
Þar segir að Börsungar hafi litla fjármuni og að félagið hafi ekki getað borgað 45 milljónir punda fyrir Rodrigo eða Pierre-Emerick Aubameyang.
