Manchester United hefur staðfest kaup sín á Bruno Fernandes frá Sporting Lisbon. Hann skrifaði undir fimm og hálfs árs samning með möguleika á auka ári.
United samdi um kaupverðið við Sporting Lisbon í gær og greiðir félagið 46,6 milljónir punda til að byrja. Líklega hækkar sú tala um 8,5 milljónir punda en einnig er klásúla um 12,7 milljónir punda ef United vinnur stóra titla, eins og Meistaradeildina.
Fernandes er öflugur miðjumaður frá Portúgal. ,,Ást mín á Manchester United varð til þegar ég horfði á Cristiano Ronado spila, síðan þá hef ég alltaf verið stuðningsmaður félagsins,“ sagði Bruno eftir að hafa skrifað undir.
,,Það er magnað fyrir mig að vera leikmaður Manchester United, ég hef lagt mikið á mig til að fá tækifærið hérna. Ég mun gera allt fyrir þetta merki, og vonandi hjálpa félaginu að ná árangri og vinna titla.“
🔴 🤝 🇵🇹#MUFC is delighted to announce the signing of Bruno Fernandes!
— Manchester United (@ManUtd) January 30, 2020
