Það eru margir hissa á Jurgen Klopp, stjóra Liverpool og umdeildri ákvörðun hans. Klopp ætlar ekki að mæta til leiks gegn Shrewsbury í enska bikarnum og bara leikmenn úr vara og unglingaliði félagsins mæta.

Liverpool þarf að mæta Shrewsbury aftur í bikarnum eftir 2-2 jafntefli um helgina, leikurinn fer fram þegar vetrarfrí er í ensku úrvalsdeildinni. Klopp ætlar sjálfur í frí og hefur gefið öllum leikmönnum aðalliðsins frí, margir eru óhressir með þessa ákvörðun Klopp enda hefur bikarinn haft mikla virðingu á Englandi.

Félög í neðri deildum eru reið og segja stórlið ekki bera virðingu fyrir sér, einn af þeim sem er duglegur að láta í sér heyra er Andy Holt, eigandi Accrington Stanley.

,,Það kemur hvergi fram í dagskrá að þarna eigi að spila í bikarnum en lið í ensku úrvalsdeildinni eigi að vera í fríi,“ sagði Holt.

,,Öll félög vissu vel að ef það þyrfti að spila anna leik, þá yrði hann þarna. Það var vitað þegar tímabilið hófst. Þarna er verið að taka stórkostlegan dag af félagi.“

,,Hugsið um England, að Klopp sé að spýta snuðinu út sér breytir ekki staðreyndum. Við missum tækifæri því hann vill fara á fyllerí í fjóra daga,“ sagði Holt og á þá við þá staðreynd að Klopp ætlar í frí en ekki að vera með ungum leikmönnum félagsins sem spila leikinn.

,,Þetta er ekki bara Klopp og Liverpool, þetta eru öll stóru liðin. Þau hugsa bara um sína hluti.“

Lið Liverpool sem er líklegt til að spila:
Kelleher, Hoever, Van den Berg, Boyes, Gallacher, Christie-Davies, Chirivella, Kane, Elliott, Longstaff, Hill.