,,Manchester United er að leita að framherja, félagið reynir að gera eitthvað undir lok gluggans,“ sagði James Copper, fréttamaður Sky Sports um áhuga Ole Gunnar Solskjær á að finna framherja áður en morgundagurinn er á enda.

Marcus Rashford er meiddur og sóknarleikur United er bitlaus, félagið vildi Erling Braut Haaland sem kaus að fara til Dortmund.

United er að kaupa Bruno Fernandes, miðjumann Sporting Lisbon. Hann hefur raðað inn mörkum af miðsvæðinu í Portúgal.

Solskjær sagði í gær að hann vildi framherja sem væri til í að taka á sig brotið nef, til þess að skora mark.

Möguleiki er á að United fái framherja að láni en það kemur í ljós áður en glugginn lokar á morgun.