Danny Rose, leikmaður Tottenham, hefur skrifað undir lánssamning við Newcastle út tímabilið.
Rose er 29 ára gamall bakvörður en hann hefur verið á mála hjá Tottenham frá árinu 2007.
Hann er þó ekki lengur fastamaður í vinstri bakverðinum og fékk grænt ljós á að leita annað.
Newcastle fær leikmanninn á láni út tímabilið en óvíst er með kaup í framtíðinni.
Rose á að baki 29 landsleiki fyrir England og spilaði einnig 156 leiki með Tottenham í deild frá 2007 til 2020.
