Það mun enginn aðalliðsleikmaður spila með Liverpool á Anfield gegn Shrewsbury í enska bikarnum.
Liverpool gerði 2-2 jafntefli við Shrewsbury í dag og fær smáliðið því annan leik á Anfield.
Leikið verður 4. eða 5. febrúar en enska úrvalsdeildin verður þá í vetrarfríi.
Jurgen Klopp, stjóri Liverpool, ætlar að virða það og fá unglingarnir að reyna að slá Shrewsbury úr leik.
Klopp verður sjálfur ekki á hliðarlínunni í leiknum og mun Neil Critchley stýra liðinu.
Það er eins og Liverpool gerði í tapi gegn Aston Villa í deildarbikarnum í desember.
