Það eru engar líkur á að Jadon Sancho sé á förum frá Borussia Dortmund í janúarglugganum.
Þetta segir Michael Zorc, yfirmaður knattspyrnumála Dortmund, en táningurinn er orðaður við endurkomu til Englands.
Sancho er aðeins 19 ára gamall en hann er á óskalista bæði Chelsea og Manchester United.
,,Hann er ennþá hluti af okkar áformum. Hann er mikilvægur leikmaður og það er engin staða þar sem hann fer frá okkur,“ sagði Zorc.
,,Við höfum nú þegar þurft að ræða við hann og það hafa verið margar viðræður síðustu vikur.“
