Moussa Dembele, leikmaður Lyon, hefur útilokað það að hann sé á leið til Manchester United.
Dembele er 23 ára gamall framherji en hann hefur verið orðaður við United síðustu daga.
Það gerist hins vegar ekki í janúarglugganum en hver veit nema hann færi sig um set í sumar.
,,Ég er leikmaður Lyon og ég verð það áfram þar til að tímabilinu lýkur,“ sagði Dembele.
,,Ég býst ekki við að fara í vetur. Það er mikið talað en það er undir mér að hundsa það og einbeita mér að leiknum.“
