Manchester United er tilbúið að borga allt að 30 milljónir punda fyrir leikmann að nafni Jude Bellingham.
Það er Sky Sports sem greinir frá þessu en Bellingham er á mála hjá Birmingham City.
Þessi 16 ára gamli leikmaður er gríðarlegt efni en hann verður 17 ára þann 29. júní og má þá gera atvinnumannasamning.
Barcelona, Dortmund og Liverpool hafa einnig áhuga á Bellingham sem hefur spilað 25 leiki á tímabilinu.
Hann varð yngsti leikmaður í sögu Birmingham í ágúst er hann lék gegn Portsmouth í bikarnum.
