Birkir Bjarnason er hæstánægður með að vera kominn aftur til Ítalíu en hann leikur með Brescia.

Birkir hefur áður spilað með Pescara og Sampdoria en var síðast hjá Aston Villa og Al-Arabi.

Landsliðsmaðurinn ræddi við fjölmiðla fyrir leik gegn AC Milan og er hann spenntur fyrir komandi tímum.

,,Ég áttaði mig á því að þetta væri rétt fyrir mig á sþessum tíma. Ég er ánægður með að vera kominn aftur til Ítalíu og klæðist treyju Brescia stoltur,“ sagði Birkir.

,,Við þurfum að einbeita okkur að okkur og ekki þeim sem við mætum. Við þurfum stig og viljum fá þau eins fljótt og hægt er.“