Manchester United er sagt vera nálægt því að ráða inn nýjan yfirmann knattspyrnumála.
Þetta segja enskir miðlar í dag en United hefur lengi verið á markaðnum í leit að slíkum.
Ed Woodward, varaformaður United, er talinn hafa fundið rétta manninn en hann ber nafnið Luis Campos.
Campos kemur frá Portúgal en hann er í dag við störf hjá Lille og var þar áður hjá Monaco.
Hann er maðurinn á bakvið gæði á borð við Kylian Mbappe, Bernardo Silva, Fabinho og Anthony Martial.
Campos vann einnig með Nicolas Pepe hjá Lille sem var keyptur til Arsenal síðasta sumar.
Þessi 55 ára gamli Portúgali þekkir Jose Mourinho vel og var aðstoðarmaður hans hjá Real Madrid á sínum tíma.
