Frank Lampard, stjóri Chelsea, hefur biðlað til stjórnar félagsins um að kaupa markaskorara í janúar.

Þetta sagði Lampard eftir leik við Newcastle í kvöld sem tapaðist 1-0 en Chelsea fékk þó góð færi til að skora.

,,Ef við leitum að fólki til að koma inn og hjálpa liðinu að vinna þegar við stjórnum leikjum þá snýst það um að skora mörk,“ sagði Lampard.

,,Við getum ekki unnið meira í að nýta færin. Þú þarft að vera með þetta drápseðli fyrir framan markið.“

,,Við þurfum mörk frá sókninni ef við viljum komast á þann stað sem við viljum vera á.“

,,Það er nokkuð augljóst miðað við það sem ég er að segja að við vitum hvar við þurfum styrkingu.“