Gonzalo Higuain hefur tjáð sig um tíma sinn hjá Chelsea en hann eyddi nokkrum mánuðum þar í fyrra.

Higuain var fenginn til Chelsea á láni í janúar 2019 undir Maurizio Sarri og skoraði nokkur mörk á þeim tíma.

,,Ég hefði getað gert betur. Ég held þó að það sem ég gerði hafi ekki verið svo slæmt og við unnum Evrópudeildina,“ sagði Higuain.

,,Við komumst í Meistaradeildina svo úrslitin voru góð. Fólk bjóst við meiru frá mér á stuttum tíma en ég held að mörkin hafi verið í lagi.“

,,Fólk gleymir því að ég spilaði þarna í nokkra mánuði. Ég veit að það er búist við meiru af bestu leikmönnunum.“