Raiko Stanisic hefur verið ráðinn sem markvarðaþjálfari Stjörnunnar og mun sinna markvörðum beggja meistaraflokka knattspyrnudeildar félagsins á komandi keppnistímabili.
Raiko, sem kemur frá Belgrad höfuðborg Serbíu kom fyrst til Íslands 1998 og lék í marki KÍB, sameiginlegu liði Ísfirðinga og Bolvíkinga. Ferill hans sem þjálfari markvarða hófst einmitt þar fyrir vestan en árið 2005 flutti hann sig um set til Keflavíkur og var markvarðaþjálfari mfl karla hjá Keflavík í efstu deild í 5 ár. Þá færði hann sig um set til höfuðborgarinnar og gerðist markvarðaþjálfari meistaraflokka karla og kvenna hjá Val að Hlíðarenda allt þar til loka seinasta árs, 2019.
Raiko er Bikarmeistari með Keflavík árin 2006 og 2008 og var einnig hluti þjálfarateymis Vals sem unnið hefur Bikar- og Íslandmeistaratitla undanfarin ára.
Ólafur Jóhannesson, nú einn af þjálfurum Stjörnunnar þekkir vel til starfa Raiko.
