Napoli hefur keypt miðjumanninn Stanislav Lobotka frá Celta Vigo.
Þetta staðfesti félagið í kvöld en Lobatka er 25 ára gamall landsliðsmaður Slóvakíu.
Napoli borgar um 25 milljónir evra fyrir Lobatka sem spilaði alls 90 deildarleiki fyrir Celta.
Hann er varnarsinnaður miðjumaður og tókst til að mynda ekki að skora mark í þessum leikjum fyrir sitt gamla lið. Hann er þó með góðar sendingar og gæti hentað liði Napoli vel.
Lobotka á að baki 22 landsleiki fyrir Slóvakíu en hann var áður hjá Nordsjælland.
