Emre Can, leikmaður Juventus, viðurkennir að hann sé að íhuga að yfirgefa félagið.

Can fær lítið að spila undir Maurizio Sarri þessa dagana en hann kom til Juve frá Liverpool fyrir ári síðan.

,,Ég er ennþá leikmaður Juventus. Augljóslega þá er ég ekki ánægður með stöðuna,“ sagði Can.

,,Ég held þó áfram og reyni að gefa alltaf 100 prósent á æfingum. Ég reyni að breyta stöðunni minni, enginn er ánægður á bekknum.“

,,Þannig er mín staða í Turin og ég þarf nú að hugsa um hvað sé best fyrir mig yfir veturinn.“

,,Ég get séð mig halda áfram í Turin en staðan þarf að breytast.“