Club Brugge á leikmenn sem eru betri í að skora mörk en Roberto Firmino sem spilar með Liverpool.

Þetta segir Simon Mignolet, markvörður Brugge, en hann var áður á mála hjá Liverpool.

Mignolet ræðir sóknarmennina Ruud Vormer og Hans Vanaken og líkir þeim við Firmino og Mo Salah.

,,Samband okkar er mjög gott. Andrúmsloftið á æfingum er gott. Það er hægt að líkja því við landsliðið, það eru vinir í félaginu,“ sagði Mignolet.

,,Bæði Ruud og Hans eru góðir að klára færi. Firmino og Mo eru báðir frábærir leikmenn en Firmino er ekki fæddur með drápseðli.“

,,Ruud og Hans eru svo sannarlega ekki verri en Bobby þegar kemur að því að klára færin.“

,,Ég get jafnvel sagt það að þeir séu betri en Roberto Firmino í því. Þeir eru á svipuðum stað og Mo.“