Í kvöld átti að fara fram leikur Watford og Tranmere í enska bikarnum en nokkrir leikir eru á dagskrá.
Leik þessara liða hefur hins vegar verið frestað vegna veðurs en það er mikil rigning á Prenton Park.
Grasið á vellinum er ekki í nægilega góðu standi og verður leikið þann 23. janúar í staðinn.
Liðin áttust við í síðasta mánuði en þá lauk leiknum með 3-3 jafntefli á heimavelli Watford og þurftu þau að mætast aftur.
Það verður hins vegar ekki í kvöld en bæði félög samþykktu að fresta leiknum.
