Varnarmaðurinn Shkodran Mustafi er líklega á förum frá liði Arsenal ef marka má fréttir kvöldsins.
Mustafi hefur gert ófá mistök síðan hann byrjaði að spila með Arsenal og á ekki fast sæti í liðinu.
Þessi 27 ára gamli leikmaður er líklega á leið til Tyrklands og mun gera lánssamning við Galatasaray.
Frá þessu greina enskir miðlar en umboðsmaður leikmannsins hefur rætt við félagið.
Mustafi kostaði Arsenal 35 milljónir punda árið 2016 en hann kom frá Valencia.
