Jóhann Berg Guðmundsson, kantmaður Burnley er aftur á sjúkrabekknum. Hann tognaði lítilega aftan í læri á dögunum en gæti spilað næstu helgi, gegn Leicester.

Jóhann var nýlega kominn af stað eftir tíu vikur á sjúkrabekknum, hann tognaði illa aftan i læri. ,,Þetta eru flókin og erfið meiðsli sem Jói lenti í, það virðist ekki virka að koma sér af stað. Það þarf að fara að gerast eitthvað fljótlega,“ sagði Bjarni Þór Viðarsson, á Vellinum hjá Símanum.

Eiður Smári Guðjohnsen, vonar að Jóhann Berg komist á strik og að hann íhugi það ekki að hætta að spila með landsliðinu. Til að minnka álagið.

„Hann er búinn að fara til sérfræðings í nokkur skipt, sömu meiðslin. Ef þetta eru alltaf sömu vöðvameiðslin sem taka sig upp aftur og aftur, þá þarf kannski að leita annað og fá annað álit. Hugsanlega þarf að grípa eitthvað inn í, jafnvel litla aðgerð til að fyrirbyggja að þetta komi aftur fyrir,“ segir Eiður.

„Hann er kominn inn í smá vítahring. Þetta er ekki bara erfitt líkamlega, andlega getur þetta verið hrikalegt. Ef þú meiðist illa, fótbrotnar eða eitthvað. Þá veistu nánast upp á dag hvenær þú verður í lagi. En með þrálát vöðvameiðsli, þá heldur þú alltaf að þú sért kominn í gang en brotnar niður aftur.“

Umræðan er hér að neðan.