Viðar Örn Kjartansson hefur yfirgefið lið Rubin Kazan í Rússlandi en hann var þar í láni frá Rostov.

Það gekk erfiðlega hjá Viðari hjá Rubin og hefur tími hans í Rússlandi verið ansi slæmur í heildina.

Viðar staðfesti það í samtali við Mbl.is í dag að hann væri líklega að yfirgefa Rússland endanlega.

Hann segist vera með nokkur áhugaverð tilboð frá Tyrklandi og er það líklegur áfangastaður.

,,Rostov kallaði mig til baka úr láni í gær og það var svo staðfest í dag. Ég er bara sátt­ur við þá ákvörðun og ég geri fast­lega ráð fyr­ir því að verða seld­ur frá fé­lag­inu í janú­ar og mér finnst lík­legt að það sé ástæðan fyr­ir því að ég hafi verið kallaður til baka úr láni,“ sagði Viðar.

„Það er áhugi frá mörg­um lönd­um en eins og staðan er í dag finnst mér ekki lík­legt að ég fari til Svíþjóðar þótt það sé búið að orða mig einna mest við klúbba í Svíþjóð.“

,,Ég er orðinn 29 ára gam­all og geri mér grein fyr­ir því að ég er ekki á leið í ensku úr­vals­deild­ina en ég vil kom­ast á stað þar sem ég get verið næstu árin. Planið var að reyna að kom­ast nær Íslandi en ég er í raun op­inn fyr­ir öllu. Það eru nokk­ur áhuga­verð til­boð frá Tyrklandi og Tyrk­land er því lík­leg­ur áfangastaður í dag,“