Enskir miðlar greina frá því í dag að Marcus Rashford, leikmaður Manchester United, hafi fundað með Mino Raiola á síðasta ári.
Raiola er afar umdeildur umboðsmaður en hann er bæði með Jesse Lingard og Paul Pogba í sínum bókum.
Þeir eru liðsfélagar Rashford hjá United en Lingard ákvað að skipta um umboðsmann á dögunum.
Rashford var mjög hrifinn af Raiola er þeir ræddu málin samkvæmt the Athletic.
Raiola reyndi að fá leikmanninn til að skrifa undir hjá sér en það gekk ekki upp á þeim tíma.
Það gæti þó breyst á næstu mánuðum en í dag sér fjölskylda leikmannsins um öll hans mál.
