Jurgen Klopp, stjóri Liverpool, spurði blaðamenn út í Jose Mourinho í gær á blaðamannafundi.
Það var fyrir leik gegn Tottenham í kvöld í ensku úrvalsdeildinni en Mourinho er stjóri liðsins.
Mourinho var ekki frábær leikmaður á sínum tíma en Klopp var spurður út í hvor af þeim hafi verið betri upp á sitt besta.
Mourinho spilaði sem miðjumaður en Klopp hélt að hann hefði verið markvörður.
,,Veit einhver hvaða stöðu Mourinho spilaði? Ekki kenna mér um ef þið þekkið það ekki,“ sagði Klopp.
,,Veit það einhver? Ég held að hann hafi verið markvörður. Ég vil vita þetta, koma svo, gúgglið þetta.“
