Takumi Minamino, leikmaður Liverpool, hefur fengið pláss Roberto Firmino í búningsklefanum.

Frá þessu greina enskir miðlar en Minamino skrifaði undir samning við félagið á dögunum.

Hann kom til Liverpool frá RB Salzburg í byrjun janúar og er að kynnast nýju liðsfélögum sínum.

Liverpool hefur gefið Minamino sæti á milli Naby Keita og Sadio Mane í klefanum en þar sat áður Firmino.

Það sama gerðist með Keita og Fabinho þegar þeir sömdu en Jurgen Klopp vill að allir leikmenn tali sín á milli.

Keita og Mane léku báðir í Austurríki á sínum tíma og tala því sama tungumál og Japaninn.