Tottenham er að reyna að ganga frá kaupum á Krzysztof Piatek, framherja AC Milan en félögin ræða nú saman.
Ljóst er að Tottenham verður að kaupa sér framherja í janúar en möguleiki er á að Harry Kane, spili ekki meira á tímabilinu.
Kane er á leið í aðgerð en rifa aftan í lærvöðva var slæm, framherjinn meiðist illa á hverju tímabili.
Piatek vill fara frá Milan eftir komu Zlatan Ibrahimovic, pólski framherjinn kom fyrir ári og byrjaði á að raða inn mörkum.
Piatek hefur hins vegar verið kaldur í ár og þarf Tottenham líklega að borga nálægt 30 milljónum punda.
