Antonio Conte reyndi að fá Zlatan Ibrahimvoic til Chelsea á sínum tíma en hann hefur staðfest það.
Zlatan samdi aftur við AC Milan á dögunum og spilar þar fyrir granna Conte og félaga í Inter Milan.
,,Fyrst og fremst þá vil ég bjóða Ibra velkominn aftur. Hann er frábær sigurvegari,“ sagði Conte.
,,Ég reyndi að fá hann þegar ég var hjá Chelsea. Ég virði hann mikið, hann er með stóran persónuleika eftir erfitt uppeldi – hann er frábær leikmaður.“
,,Hann getur gefið Milan mikið. Hans persónuleiki mun hjálpa Milan og öðrum leikmönnum.“
