Phil Thompson, fyrrum leikmaðujr Liverpool, segir að Jose Mourinho hefði ekki hikað við það að taka við stjórastarfinu hjá félaginu væri það í boði.

Mourinho er í dag stjóri Tottenham en hann mætir einmitt Liverpool á morgun í stórleik helgarinnar á Englandi.

,,Jose elskar ekkert meira en að koma Liverpool í uppnám, stuðningsmönnum liðsins,“ sagði Thompson.

,,Þetta er annað tækifæri fyrir hann. Ég held að þetta nái langt og að hann hefði elskað að þjálfa Liverpool svo þegar kemur að því þá vill hann vinna okkur.“

,,Hann fær tækifæri um helgina. Hvað gerir hann? Hvernig stillir hann upp? Er hann með leikmennina til að verjast aftarlega? Er hann með sóknarmennina til að sækja?“