Marco Verratti, leikmaður Paris Saint-Germain, segir að liðið eigi fjóra af tíu bestu útileikmönnum heims.
PSG er langbesta lið Frakklands og er með gríðarlega marga góða leikmenn í sínum röðum.
Verratti er að tala um sóknarmennina Mauro Icardi, Angel Di Maria, Neymar og Kylian Mbappe.
,,Við erum heppnir að hafa fjóra af bestu 10 leikmönnum heims. Það er ótrúlegt,“ sagði Verratti.
,,Þess vegna breytir stjórinn um kerfi því að skilja einn eftir á bekknum er mjög erfitt.“
