Ajax reynir að fá Matthijs de Ligt á láni frá Juventus út þessa leiktíð, til að varnarmaðurinn komist aftur í sitt besta form.
De Ligt gekk í raðir Juventus síðasta sumar fyrir 75 milljónir punda en hefur ekkert getað, og vermir nú varamannabekkinn.
Miklar væntingar voru gerðar til De Ligt þegar hann gekk í raðir Juventus en hann hefur ekki staðið undir þeim.
De Ligt vill ólmur spila fram á sumar til að missa ekki sæti sitt í hjarta varnarinnar hjá hollenska landsliðinu.
Ajax vonast til þess að De Ligt vilji koma heim, fái hann að yfirgefa Juventus í janúar.
