Harry Kane, sóknarmaður Tottenham, verður frá keppni þar til í apríl en þetta er staðfest í dag.
Kane meiddist gegn Southampton um jólin en búist var við að meiðslin væru minniháttar til að byrja með.
Síðar var greint frá því að Kane yrði frá í allt að tvo mánuði en meiðslin eru alvarlegri en það.
Kane mun ekkert spila þar til í apríl sem er gríðarlegt áfrall fyrir Tottenham.
Hann mun því ekki taka þátt í 16-liða úrslitum Meistaradeildarinnar þar sem Tottenham mætir RB Leipzig.
