Það fór fram stórleikur í gær er Manchester United fékk granna sína í Manchester City í heimsókn. Um var að ræða leik í enska deildarbikarnum en liðin eiga eftir að spila á Etihad vellinum, heimavelli City. City er þó í mjög góðri stöðu fyrir þann leik eftir að hafa unnið 3-1 útisigur í kvöld og nokkuð sannfærandi.
Öll mörk City komu í fyrri hálfleik en þeir Bernardo Silva og Riyad Mahrez skoruðu fyrstu tvö. Það var heppnisstimpill yfir þriðja markinu en Andreas Pereira fékk þá boltann í sig og varð fyrir því óláni að skora sjálfsmark. United tókst að laga stöðuna í 3-1 með marki frá Marcus Rashford en það dugði ekki til og lokastaðan, 1-3.
Stuðningsmenn United eru meira og meira farnir að kalla eftir því að skipt verði um bílstjóra, Ole Gunnar Solskjær er að missa allt traust.
Á fjögurra sekúndna fresti á samfélagmiðlinum, Twitter kemur færsla sem er merkt með myllumerkinu #OleOut. Þar er þess krafist að stjórn United reki Solskjær úr starfi.
