Fernandinho, leikmaður Manchester City, hefur staðfest það að hann sé ekki að yfirgefa félagið.

Riyad Mahrez, liðsfélagi Fernandinho, virtist hafa staðfest það fyrr á tímabilinu að Fernandinho væri að spila sitt síðasta tímabil á Etihad.

Það er hins vegar ekki rétt en þessi 34 ára gamli leikmaður er að framlengja við félagið.

Fernandinho verður samningslaus í sumar en hann er ennþá einn allra mikilvægasti leikmaður liðsins.

,,Viðræðurnar eru farnar af stað, við töluðum saman í síðasta mánuði,“ sagði Fernandinho.

,,Ég er nálægt því að ná samkomulagi um framlengingu en við getum aðeins staðfest það þegar það er klárt.“