Bakvörðurinn Diego Jóhannesson er að skipta um lið en hann hefur lengi spilað með Real Oviedo.
Diego er 26 ára gamall hægri bakvö0rður og hefur spilað með Oviedo síðan 2011.
Hann fékk fyrst tækifæri með aðalliði Oviedo árið 2014 og var um tíma fastamaður í liðinu sem spilar í næst efstu deild Spánar.
Það sama hefur ekki verið upp á teningnum á þessari leiktíð og er Diego nú að semja við FC Cartagena. Hann gerir lánssamning út tímabilið.
Cartagena leikur í þriðju efstu deild á Spáni og gæti Diego unnið sér inn fast sæti þar.
Diego á að baki þrjá landsleiki fyrir Ísland en hans fyrsti leikur kom árið 2016.
