Ole Gunnar Solskjær, stjóri Manchester United, var ekki ánægður með fyrri hálfleik sinna manna í 3-1 tapi gegn Manchester City í kvöld.
United tapaði 3-1 heima gegn City í deildarbikarnum og er ekki í vænlegri stöðu fyrir seinni viðureignina.
,,Frá fyrsta eða öðru markinu þá vorum við í vandræðum með að halda í þá,“ sagði Solskjær.
,,Viðbrögðin voru góð í seinni hálfleik en áður en þeir skoruðu í fyrri hálfleik var þetta fram og til baka og enginn stjórnaði leiknum en eftir markið þá voru þetta vonbrigði.“
,,Við náðum ekki að hafa stjórn á þeim nógu vel, við vissum að þeir gætu spilað svona og ég sá þá spila svona gegn Chelsea í 5-0 sigri á síðustu leiktíð.“
,,Við höfum sýnt það áður að við getum komið til baka eftir að hafa lent undir heima og síðasta dæmið var gegn PSG í fyrra. Við verðum að trúa.“
