Malaga á Spáni hefur ákveðið að setja stjóra sinn Victor Sanchez í tímabundið bann eftir að myndband af honum fór í dreifingu á netið.

Malaga spilar í næst efstu deild Spánar en ónefndur aðili reynir nú að kúga fé úr þessum 43 ára gamla manni.

Í myndbandinu sýnir Sanchez getnaðarlim sinn en reynt var að kúga fé út úr honum áður en myndbandið var birt.

Sanchez hefur sjálfur tjáð sig um atvikið og segir að þetta sé í höndum lögreglunnar eins og er.

Í myndbandinu klæddist Sanchez einnig bol merktan Malaga sem félagið tekur alvarlega.

Hvort hann fái að halda áfram með félagið á eftir að koma í ljós en ákvörðun verður tekin eftir að rannsókn lýkur.