Antonio Mohamed, stjóri Monterrey frá Mexíkó, lét allt vaða í átt að Jurgen Klopp er liðið mætti Liverpool í HM félagsliða nýlega.

Liverpool vann 2-1 sigur á Monterrey í undanúrslitum keppninnar og var heitt í hamsi á hliðarlínunni.

Mohamed hefur nú opnað sig um það sem átti sér stað og talar ekki vel um Klopp og segir hann til að mynda vera aumingja.

,,Það sem gerðist er að mér var sýnd vanvirðing. Klopp bað endalaust um gult spjald því hann vildi meina að við værum alltaf að sparka í Mo Salah,“ sagði Mohamed.

,,Þegar ég bað um spjald fyrir hans leikmann í eitt skiptið þá beindi hann tungunni að mér eins og aumingi.“

,,Þegar ég sá hann þá hló ég aðeins og varð svo reiður. Svo blönduðu mínir menn sér í málið og ég missti alla stjórn.“

,,Ef ég þarf að segja ykkur það sem ég sagði við hann… Ég man það varla því ef ég hefði blótað á ensku þá væri það ólíkt mér.“

,,Ég held að ég hafi sagt: ‘Píkan á mömmu þinni, hverjum ert þú búinn að vera að ríða? Aumingi.’