Mikel Arteta, stjóri Arsenal, öskraði mikið á leikmenn liðsins í hálfleik gegn Leeds United í gær.
Þetta segir leikmaður liðsins, Alexandre Lacazette, en Arsenal vann 1-0 sigur á Leeds í bikarnum efitr mjög slakan fyrri hálfleik á heimavelli.
,,Hann öskraði mikið! Hann var ekki sáttur því við vissum að þeir myndu spila svona en við sýndum hans orðum ekki virðingu,“ sagði Lacazette.
,,Tilfinningarnar voru í hámarki. Þeir spiluðu mjög vel í fyrri hálfleik og við vissum að Leeds væri frábært lið. Þeir pressuðu okkur og við bjuggumst ekki við því.“
,,Við náðum inn sigurmarkinu og það er það mikilvægasta.“
