KR var það íþróttafélag sem var mest fjallað um á síðasta ári, þetta kemur fram í gögnum Creditinfo sem Viðskiptablaðið fjallar um. Um er að ræða umfjöllunarefni í fjölmiðlum á Íslandi.

KR varð Íslandsmeistari í knattspyrnu á árinu og sömuleiðis í körfubolta, félagið sem allir tala um hvort sem þeir halda með KR eða ekki.

ÍBV var það félag sem kom þar á eftir en ætla má að ÍBV komist á listann vegna Þjóðhátíðar, sem félagið heldur úti.

Svo er það knattspyrnudeild FH sem kemst á listann yfir þá aðila sem voru mest í fréttum árið 2019. Mikið var fjallað um fjárhagsleg vandræði knattspyrnudeildar FH á seinni hluta ársins.

Á listanum má helst finna stjórnmálaflokka og málefni tengd þeim efnum.