Óvíst er hvort fjórir leikmenn Manchester United geti spilað í deildarbikarnum gegn Manchester City á morgun. Liðin mætast þá í fyrri leiknum í undanúrslitum.
Anthony Martial, Luke Shaw og Jesse Lingard voru veikir um helgina og gátu ekki spilað um helgina. Harry Maguire meiddist svo gegn Wolves.
Ole Gunnar Solskjær, stjóri United vonast til að fá þá inn á morgun. Martial og Shaw mættu til æfinga í dag.
,,Þeir fá eins mikinn tíma og hægt er, ég get ekki svarað þessu í dag. Sumir eru ekki tilbúnir í dag,“ sagði Solskjær.
,,Ef það væri leikur í dag væru þeir sennilega í vandræðum, það eru 36 tímar í leik og margt getur breyst. Við gefum þeim daginn á morgun til að svara.“
