Liverpool Echo fjallar um það í dag að möguleiki sé á því að Gylfi Þór Sigurðsson verði seldur frá félaginu. Staðarblaðið í Bítlaborginni vitnar þar í Football Insider.
Sagt er að Carlo Ancelotti sé til í að skoða það að selja Gylfa, til að sækja sér fjármagn í aðra leikmenn.
Stuðningsmenn Everton eru reiðir eftir tap gegn Liverpool í bikarnum í gær, þar sem Liverpool mætti með varalið sitt og vann Everton.
Mikil pressa er á herðum Gylfa, þegar liðinu vegnar illa er fljótt farið að ræða verðmiðann á honum. Everton borgaði 45 milljónir punda fyrir Gylfa árið 2017, er hann dýrasti leikmaður í sögu félagsins.
James Rodriguez, miðjumaður Real Madrid er orðaður við félagið en Carlo Ancelotti vill styrkja miðsvæði sitt.
