Mikel Arteta, nýr stjóri Arsenal, mun líklega ekki fá pening til að eyða í janúarglugganum.
Frá þessu greina enskir miðlar í dag en Arsenal hefur verið orðað við fjölmarga leikmenn síðustu daga.
Arsenal eyddi 137 milljónum punda í leikmenn í sumar og vill stjórn félagsins ekki eyða meiru í janúar.
Dýrasti leikmaðurinn var Nicolas Pepe sem kom frá Lille en hann hefur ekki staðist væntingar hingað til.
Margir telja að það þurfi að styrkja vörn liðsins en miðað við þessar fréttir er ólíklegt að það gerist í þessum glugga.
