Wolves og Manchester United þurfa að mætast aftur í enska bikarnum eftir leik á Molineux í kvöld.

Markalaust jafntefli varð niðurstaðan á heimavelli Wolves og verður leikið aftur á Old Trafford.

Grannarnir í Manchester City komust örugglega áfram eftir leik gegn Port Vale. City vann öruggan 4-1 sigur.

Leicester City vann 2-0 sigur á Wigan og er einnig komið áfram – á sama tíma sigraði Bournemouth lið Luton, 4-0.

Fyrr í dag var boðið upp á nokkur óvænt úrslit en Aston Villa og Brighton eru til að mynda dottin úr leik.

Villa tapaði 2-1 gegn Fulham og Brighton tapaði heima 0-1 gegn Sheffield United.

Watford þarf þá að spila aftur gegn Tranmere eftir dramatískt 3-3 jafntefli á eigin heimavelli.