Paul Pogba er ekki á förum frá Manchester United í janúarglugganum og það er endanlegt.
Þetta segir Ole Gunnar Solskjær, stjóri United, en Pogba er endalaust orðaður við brottför þessa dagana.
Pogba er að glíma við meiðsli þessa stundina og tók ekki þátt í markalausu jafntefli við Wolves í dag.
,,Þið sjáið hann ekki yfirgefa félagið í janúar. Þetta er alltaf það sama,“ sagði Solskjær.
,,Það eru sögusagnir um að leikmenn séu að koma og fara. Við erum spenntir fyrir því að fá Pogba aftur á völlinn.“
